Author Archive | Rian Truter

Verkeerde sitplek #2

Hierdie vooraf bespreek van sitplekke op vlugte werk darem lekker!  

Jy kan op jou eie tyd jou sitplek gaan uitsoek en dan besluit of dit ‘n venster of gangetjie sal wees. En dan, amper asof jy stem, jou kruisie op jou sitplek gaan maak. Gemerk. Dis myne!

Dan druk jy ook sommer gerieflik jou instapkaartjie uit en al wat kort is die lift off.

So sit ek dan nou die dag op my gekose sitplek teen die venster en wag vir die opstyg. Niemand langs my nie en sake lyk belowend. 

Oorkant die paadjie sit ’n man en sukkel om sy selfoon af te skakel toe daar iemand by hom vashaak en vra of dit sy sitplek is. Natuurlik, dom vraag. Dis myne; kan jy nie sien ek sit dan hier nie?

Die lugwaardin, met haar chicken or beef-wysheid, word ingeroep om die saak te besleg. Sy wil die sittende se boarding pass sien. Na ’n gesukkel deur al sy sakke kry hy dit en met ’n ek-sê-jou-mosfrons gee hy dit aan haar.

Al wat ek hoor, voor hy na sy regte sitplek vertrek, is: Sir, this is not your seat!  You are sitting on you’re boarding gate’s number!  Your seat is…

Dié insident het my laat wonder hoeveel mense óók op hul boarding gate sit?

Ons sit die hek na die lewe so toe dat ons nie eens by ons sitplek kan uitkom nie! Maar ons laat ook niks of niemand deur daardie hek nie en self gaan sit ons nie op ons sitplek nie. En dan wonder ons waarom ons nie verder as die boarding gate met ons lewe kom nie.

Baie mense is heel tevrede om by die boarding gate te bly.  Dit is nou nie soos om te vlieg nie, maar dit is OK. Hulle raak gewoond aan die boarding gate, want hulle leer hul kan daarmee saamleef. Dit is nou nie vuurwerke en champagne nie, maar jy kan dit verdra.

Maar sonder dat hulle dit weet, begin hul drome, om eendag self te vlieg, sterf en die vlammetjie van hoop begin laag brand. Of soos Koos Kombuis dit sou stel, hul begin onder die broodlyn van hul hart leef.

As jy nie deur die hek stap en gaan sit nie, sal jy nooit die spoed van opstyg en die stamp van lugknikke ervaar nie. Jy gaan nooit die losskeurpyn in jou hart vir die wat jy by die boarding gate agterlaat, ervaar nie. Maar ook gaan jy nooit die opgewondenheid beleef om die sitplekgordel los te klik en weet jy is weer by die huis nie.

Praat nie eens van die opwinding om tussen chicken or beef te moet kies nie!

Die lewe is nie vir die boarding gate gemaak nie. Die lewe is vir gaan- sit-op-jou-sitplek gemaak.

Bill McKenna verstaan dié storie blykbaar as hy sê: Life is not a journey to the grave with the intention of arriving safely in one pretty and well preserved piece, but to skid in broadside, thoroughly used up, worn out and defiantly shouting GERONIMO!

Kom nou, stap deur die boarding gate

Jou sitplek is nog leeg.

 

The reason birds can fly and we can’t is simply because they have perfect faith, for to have faith is to have wings. – J.M. Barrie

I have known many who could not when they would, for they had not done it when they could. – Francois Rabelais

Procrastination is the art of keeping up with yesterday. – Don Marquis

Continue Reading

Salute thy teacher!

I don’t know if this is true or false, but we need more teachers like this:

A retired Sergeant, having served his time with the Marine Corps, took a new job as a school teacher, but just before the school year started, he injured his back.

He was required to wear a plaster cast around the upper part of his body. Fortunately, the cast fit under his shirt and wasn’t noticeable.

On the first day of class, he found himself assigned to the toughest students in the school.

The punks, having already heard the new teacher was a retired Marine, were leery of him and decided to see how tough he really was before trying any pranks. Walking confidently into the rowdy classroom, the new teacher opened the window wide and sat down at his desk.

When a strong breeze made his tie flap, he picked up a stapler and promptly stapled the tie to his chest.

There was dead silence.

He had no trouble with discipline that year!

 

Success is a lousy teacher. It seduces smart people into thinking they can’t lose. – Bill Gates

Experience is the teacher of all things. – Julius Caesar

Your best teacher is your last mistake. – Ralph Nader

 

Image: FreeDigitalPhotos.net 

Continue Reading

One small step …

In watter liggaamsdeel kramp jy as jy oor nasionale TV sê jy wens die pikkewyn in jou tuin by Bettiesbaai kry ‘n virus en vrek? En dit as jy 79 jaar oud is?

Wat maak ’n mens so onvergenoeg en só behep met jouself? Ouderdom? Of sommer net ’n ingatgeit wat geen perke ken nie?

Vir sulke mense wil ek sê: Hou ’n slag op om net vir jouself te leef.  Die wêreld is heelwat groter as jy.

Hou op kla oor alles en almal en hou op om vir jou kleinkinders te vertel van die goeie ou dae. Miskien weet ek nie so baie van die goeie ou dae soos jy nie, maar ek onthou darem party wat maar bra bollie was!

Moenie jou skouertjies optrek en vir my sê niks wat jy doen gaan tog help nie.  Hoe kan die ou klein bietjie wat ek dan nou doen tog ‘n verskil maak? Die oormag is net te groot!

Ek wonder wat moeder Teresa vir die pikkewyne sou gesê het? Beslis nie ek hoop jy vrek nie!

Wat sy wel gesê het, is if you can’t feed a hundred people, then feed just one.

Hou op wag vir die Groot Knal-ingryping wat jou pikkewynprobleem gaan oplos. Doen iets. Span self ’n draad.

Koop ’n roomys en gee dit vir die man, met die baie kinders en geen werk nie, by Willowbridge se kruising.

Glimlag vir die suring langs jou.  Oeps, sorrie … Dis jóú weerkaatsing in die ruit!

Borg ’n kind se kampgeld by Potato Foundation of maak ’n donasie vir fetale alkoholsindroom by die Faith Fund.

Raak ontslae van al die klere wat jy nie dra nie en gee dit vir mense wat dit nodiger het as jy.

Dóén ’n slag net iets. Gee die eerste tree. Al dink jy dis klein.

Miskien gaan jy nie dadelik die verskil sien nie, maar jy gaan beslis beter voel.

 

A bone to the dog is not charity. Charity is the bone shared with the dog, when you are just as hungry as the dog. – Jack London

You can give without loving, but you can never love without giving. – Robert Louis Stevenson

Small deeds done are better than great deeds planned. – Peter Marshall

Continue Reading

Verkeerde sitplek #1

Dit is Saterdagmiddag op Lanseria en die laaste vlug vir die dag Kaap toe, is betyds.  Alles  loop reg, altyd reg …

Met dié lied in my hart bestyg ek die groen vliegtuig met sy guitige lugwaardinne. Soos ek in die paadjie afstap, skat ek my sitplek.  Net soos ons in die Army geleer het, maar ek tref dooie grond daar waar ek moet sit. ’n Ouerige man sit reeds in 11F. Ek kyk weer of ek nie dalk verkeerd met my nommers is nie, maar my boarding pass sê definitief 11F.

Steeds met die lied in my hart, verneem ek na die man se sitpleknommer en ontdek hy sit eintlik op 10F. Ek bied aan om sommer met dieselfde lied in my hart op sy plek te sit.  As die oom nie sal omgee nie.

Ek is nie jou oom nieEk is baie jonger as jy … kom my lied met so ’n skreeu-krapgeluid, soos ’n naald wat van ’n seven single afglip, tot stilstand.

Jammer oom; ag ek bedoel meneer!

Ek sak liedloos in 10F neer en wonder oor die oom in die sitplek agter my. Dat hy wel baie grondpad in sy lewe gery het, is nie te betwyfel nie, maar jonger as ek? Not a dêm!

Die groen vliegtuig (met die regte kant bo) styg uiteindelik, terwyl die lugwaardinne pittige rympies aframmel, op en ek wonder wat is dit met mense dat hulle nie ge-oom of –tannie wil word nie?

Al moet ek dit self sê, ek dra my oom-badge met diesefde trots as my oupa-badge.

Ons word tog almal (óók die meneer in mý sitplek!) die een of ander tyd oud. Ouderdom is onvermydelik.

Onwillekeurig dink ek aan Morrie Schwartz (Tuesdays with Morrie) waar hy vir Mitch Albom sê dat as jy die heel tyd teen die oud word gaan baklei, gaan jy baie ongelukkig wees, want of jy nou wil of nie; oud gaan jy word.

Toe Mitch vir hom vra, nadat hy hom moes optel en bed toe dra, of hy nie jaloers is op die jeug nie, was sy antwoord:

The truth is, part of me is every age. I’ve been through all of them and I know what it’s like. How can I be envious of where you are – when I have been there myself?

Die lied begin weer saggies in my speel. Maar hierdie keer is dit ’n nuwe wysie …

Que sera sera, whatever will be will be, the future’s not ours to see …

Ek loer oor my skouer na die man agter my in 11F en ek sê vir hom ek is jammer dat ek hom vir ’n oom aangesien het. Maar hy hoor my nie, want hy snork oopmond met ’n druppel kwyl wat stadig by sy mondhoek uitloop …

Net soos die ooms in die siekeboeg van die ouetehuis.

 

You can only be young once. But you can always be immature. – Dave Barry

Growing old is mandatory; growing up is optional. – Chili Davis

None is as old as those who have outlived enthusiasm. – Henry David Thoreau

Continue Reading

Betyds vir te laat …

 
 
 
 

Johann Coetzee

 

Toe ek die onderstaande skrywe van prof Johann Coetzee lees, het ek net geweet ek móét dit met die lesers van Piesangs & Jellietots deel! Johann het dan ook goedgunstiglik ingestem dat ek dit in P&J kan plaas.

 

 Een van ons vliegvriende sterf.

Vyfhonderd mense daag op by die begrafnis in Nelspruit. Ons vlieg van oral om die laaste eer te bewys op ’n Donderdagmiddag.

Ons is almal netbetyds-om-te-laat-te-wees. Maar, ons is moreel en hartseer daar om sy familie te omhels en om met mekaar te gesels.

Terwyl ek om my kyk in die kerk, merk ek ’n 100 van my vriende wat topposte beklee en almal buitengewoon besig is. Meteens tref dit my dat almal ’n dag in hulle dagboek kon vind om by ’n dooie mens te kom kuier. Tog hartseer dat ons nie ’n uur vir mekaar kan afknyp terwyl ons lewe nie!

Wat help hierdie onbekwame spoed in die versugting na versameling, eervolle betrokkenheid, produktiewe bydrae, ens. ens. Vanwaar kom die dissipline om met beredeneerde prysgawe en kompromie tyd te vat om juis die mense te besoek en te geniet vir wie jy lief is en om die dinge te doen wat jy verkies, maar so tipies verwaarloos.

Wanneer ruil jy die begrafnis in op die bazaar? Wanneer laas het jy van jou pelle gebel, ’n afspraak gemaak en gewoon net gaan kuier sonder agenda?

Wanneer laas het jy vir van jou maats met die hand (en met ink) ’n brief geskryf?

Ek was dankbaar ek was by die begrafnis, maar intens skaam en skuldig oor die lewe saam wat ons so verskraal en verwaarloos het.

Uit: Van Doerietyd tot Netnou deur Johann Coetzee

 

I held a moment in my hand, brilliant as a star, fragile as a flower, a tiny sliver of one hour. I dripped it carelessly, Ah! I didn’t know, I held opportunity. – Hazel Lee

Haraka Haraka haina Baraka … (Swahili) If you don’t have time to do it right, how will you find time to do it over?

Yesterday is but today’s memory and tomorrow is today’s dream. – Kahlil Gibran

Continue Reading

World Rhino Day

Saterdag is Wêreld Renosterdag.   

Gee die poachers ’n slag ‘n bloedneus!

Wat kan jy doen?

• Moenie ophou praat nie! Vertel mense wat aan ons renosters gedoen word.

• Maak mense bewus van die feit dat daar Saterdag ’n jaarlikse internasionale Renosterdag gevier word.

• Doen asseblief net iets.  Koop ’n armbandjie, T-hemp of skenk geld aan ’n instansie wat probeer op die poachers ’n bloedneus te gee.

Moenie dat Ellie Wiesel (oorlewende van WO II se konsentrasiekampe) se woorde, indifference is always the friend of the enemy, van my en jou gesê kan word nie!

Continue Reading

Memories, Moments en Magic!

Die lewe is só kort en te veel mense wil net met alle mag aftree. Dié begeerte is amper so groot soos hul Lotto-droom …

My vraag is: Wat dan?

Gaan jy op die spreekwoordelike stoep sit en wag vir die spreekwoordelike koeie om huis toe te kom?

Jy gaan lank wag, want daar is min mense wat dit kan regkry. Ek bedoel; min met genoeg finansies in die agtersak wat dié stoepsittery vroeg kan doen.

Die geheim lê, soos Boerneef dit gestel het, tussen die begin van die ding en die end van die ding. Of eenvoudiger gestel, dit lê in timing.

En om te weet dat ’n mens in die tyd waarin ons leef, nie eintlik gaan aftree nie.  Jy verander net so ietwat van koers en tempo.

Johann Coetzee skryf in sy boek It’s About Time dat ’n mens nie moet wag dat iets dramaties jou tref voor jy oor die tyd tot jou beskikking begin wonder nie.

Moenie wag vir eendag om voluit te begin lewe nie. Moenie wag vir die dag as jy aftree dat jy dít of dát gaan doen nie. Die werklikheid is dat dit dan vir die meeste mense te laat is.

Te laat om valskerm te gaan spring, te laat om die verlore tyd met geliefdes in te haal, te laat om nog te wil sê hoe lief jy hulle het. Te laat …

Die tyd is nou. Nie netnou nie. Nou!

Dit is nóú die tyd to Make memories! Make moments! Make magic!

 

Life is what happens to you while you’re busy making other plans. – John Lennon

Magic is believing in yourself, if you can do that, you can make anything happen. – Wolfgang Von Goethe

Don’t simply retire from something; have something to retire to. – Harry Emerson Fosdick

 

Kontak vir It’s About Time: jjlc@mweb.co.za

Image: FreeDigitalPhotos.net

Continue Reading

Om Jesus se tafel

Ek was onlangs bevoorreg om saam met Nico en Tania Bezuidenhout (NG Moedergemeente Oos-Londen) en vroue van die Oos-Kaap ’n vrouenaweek op Stutterheim te kon meemaak.

Om deel van hierdie besondere groep dames te kon wees, was werklik iets wat my siel verryk en gevoed het.  Nie alleen is my geestelike gedetox nie, maar ons gasvrou van Eagles Ridge Country Hotel, het dit ook amper met my lyf vermag. ’n Slaai met 27 bestanddele, die meeste daarvan blare, wil gedoen wees!

Ek lees graag onderhoude met interessante mense en baie keer is daar ’n vraag oor wie hulle vir ete sal nooi. Hul keuses is baie uiteenlopend, maar ek kan nie onthou dat ek al ooit gelees het dat iemand vir Jesus wil nooi nie.

Het jý dalk al daaraan gedink om vir Jesus te nooi om saam met jou te kom eet?

Watter gereg sal ek voorsit? Hoe sal die uitnodiging lyk?

Dalk moet ek eers gou die eetkamer laat uitverf?

En … watter wyn bedien jy vir iemand wat water in wyn kan verander? Is daar disse wat Hy nie eet nie en is Hy dalk allergies vir iets?

In Matteus 9: 9 – 13 word daar vertel van hoe Jesus na Matteus se roeping by hom gaan eet. Die reaksie van die Fariseërs hierop is nie te gunstig nie en Jesus word as ’n vraat en ‘n wynsuiper uitgekryt. (Lukas 7:34)  Ook as iemand wat ‘n sosiale taboe oortree deur saam met sondaars en tollenaars te eet.

Hierdie skrifgedeeltes het my oor die verskil tussen die Fariseërs se etenstafel en dié van Jesus laat wonder.

Soos ek dit verstaan, is daar by die Fariseërs se tafel net plek vir mense wat hulle wette gehoorsaam en goeie gelowiges was. Met ander woorde, mense wat perfek is.  By Jesus se tafel is dit beslis nie die geval nie. Jy hoef jy nie perfek te wees nie. Krom en skeef is meer as welkom!

By die Fariseërs se tafel is daar net plek vir sommiges. Kenners, deskundiges en mense van aansien. By Jesus is daar plek vir almal. Jy hoef nie eens ‘n titel te hê nie. Skaapwagters wat na skaap ruik en vissermanne met skubbe en visbloed aan hul klere, is meer as welkom. Jesus trek nie Sy neus op ’n plooi vir aardse klankies nie!  By die Fariseërs se tafel moet jy rein wees.  By Jesus se tafel word jy rein gemaak.

Die Fariseërs se tafel klink vir my na ’n stresvolle affêre. Jy moet híér sit en só maak en nie só nie – amper soos ’n formele ete in die parlement. Jesus se tafel is stresloos, want daar is aanvaarding en genade.

Jy moet na die Fariseërs se tafel genooi word. Slegs op uitnodiging en net genooides welkom. By Jesus is geen uitnodiging nodig nie. Jy is altyd welkom en jy hoef nie eens te bespreek nie.  Daar is altyd ’n plek vir jou om die tafel.

Ek is ook oortuig daarvan dat die Fariseërs se tafel net op geleentheid gedek word. Daarteenoor is Jesus se tafel altyd gedek. Meer nog; die gasheer is altyd daar! Geen bestuurder wat vir Hom instaan nie.

Die Fariseërs soek fout. Hulle krap waar dit nie jeuk nie en veroorsaak meer kneusplekke. By Jesus se tafel word mense gesond gemaak.  Dit is nie net ’n eetplek nie; wonde en kneusplekke word hier genees.

John Ortberg sê dat almal van ons, soos die verlamde man wat deur die dak na Jesus laat sak word, ons eie figuurlike matjie het waarmee ons deur die lewe gaan. Hierdie matjie hoef nie letterlik ’n fisieke gestremdheid te wees nie.  Dit kan iets soos ons humeur of ons ydelheid wees.

By Jesus se tafel word elkeen se matjie opgevou en weggepak …vir altyd!

By Jesus se tafel sien ons die nuwe hemel in al sy glorie, want Jesus se tafel is ’n tafel van hoop en liefde. ’n Tafel wat kettings breek en mense by mekaar bring sonder enige klas of stand. Om Jesus se tafel is almal eenders: deur genade kinders van God.

Koos Kombuis sing in sy aangrypende lied Ek dood:

Petrus krap kop

Glimlag dan, sluit oop

Gaan maar binne

God nie godsdienstig

God liefde.

Wonder jy steeds oor wat jy moet voorsit as Jesus by jou kom eet?

Hou dadelik op met wroeg, want …

Hy het jou lankal genooi om by Hom te kom eet!

 

If you are afraid of hospitality – that you don’t have much personal strength or personal wealth – good. Then you won’t intimidate anybody. You will depend all the more on God’s grace. You will look all the more to the work of Christ and not your own work. And what a blessing people will get in your simple home or little apartment. – John Piper

Fellowship is a place of grace, where mistakes aren’t rubbed in but rubbed out. Fellowship happens when mercy wins over justice. – Rick Warren

We are so busy planning the perfect retirement.  That we lose eternity! – John Ortberg

 

Continue Reading

Red jou renoster!

Ek het myne!

 

Genoeg gepraat; dis tyd vir uithaal en wys!

Ons klets gemaklik saam oor die renosters wat voor die voet doodgemaak en oor die perlemoen wat gestroop word. En ons lyk beswaard, maar doen niks daaraan nie.

Toegegee; ons kan nie almal ’n poacher inhol en hom aan ’n boom of bamboes vasketting nie! Maar ons hoef nie eens so drasties te raak nie. Daar ís ander maniere.

Op 22 September is dit World Rhino Day en reg oor die wêreld is mense besig om hiervoor te beplan.  Sangers en orkeste gaan optree; mense gaan stap of draf en selfs sjef Reuben gaan in die One & Only ’n driegang Red die Renoster-spyskaart aanbied.

Wat doen jy?

Nog ’n dag! Nog iets om te red, hoor ek jou brom

Miskien moet ek net gou weer jou geheue verfris.

Gedurende 2007 het stropers 13 renosters afgemaai. Verlede jaar het dié syfer tot ’n skokkende 448 aangegroei. En ons staan vanjaar reeds by 204 renosters wat die spit afgebyt het.

Vier van die vyf renosterspesies sal gedurende ons leeftyd uitsterf as ek en jy nie nou begin om iets daadwerkliks aan hierdie stropery te doen nie. Ons kleinkinders gaan net ’n renoster in ’n boek, of op ‘n  iPad kan sien, as ek en jy nie nou ophou praat en iets laat gebeur nie.

Wat kan ek doen? hoor ek jou vra.

Kom ons begin klein.  Koop vir jou ’n renosterarmband wat sê dat jou hart vir hierdie saak op die regte plek sit. Die armband is van wit, swart en rooi kraletjies gemaak wat met ‘n kokosneutsaad van mekaar geskei word. (Dit behoort by die meeste van jou uitrustings te pas!) Die swart en wit kraletjies simboliseer die wit en swart renosters, terwyl die rooi kraletjies hul tragiese lot bekla. Die kokosneutsaad vertel weer van die renoster se kleur en sy taai uiterlike.

Nou waar kry ek so ’n armband? En wat gaan dit my kos?

Gaan na Rhino Force se webtuiste en bestel vir jou een. Of loop sommer by jou naaste Exclusive Books in en koop een. Nee, sommer ’n paar en gee dit weg, want dit kos net R30 stuk!

My wens is dat elkeen wat met kinders werk so ’n armbandjie sal dra.  Elke onderwyser, jeugwerker, prediker, oupa en pa. Want as die kinders gaan vra wat is dié armband wat jy dra, kan jy die storie van ons renosters aan hulle vertel.

Mofmannetjie met ‘n bangle

Nee, renostermannetjie met dié bangle!

 

Ons is die wagters op die mure, maar halfpad aan die slaap. – Koos Kombuis

The tragedy is that rhino horn is made of keratin, the same stuff that makes up human hair and nails. It has no medicinal value, you might as well eat your fingernails. – Mark Jones, Executive Director, Humane Society International

Unless we practice conservation, those who come after us will have to pay the price of misery, degradation, and failure for the progress and prosperity of our day. – Gifford Pinchot

www.worldrhinoday.org

www.rhinoforce.co.za

www.rhinoconservation.org

 

Continue Reading

Hendrik and his Afri-Frans Connection!

With Hendrik in the tasting room

Chabi what?

This is the response I was hoping for, because it means I can tell you one of Stellenbosch’s best kept secrets. Namely, that you don’t have to go to France to experience real champagne. You can taste Method Cap Classique (MCC) on a small little wine farm, called Chabivin, only a few meters outside Stellenbosch.

The idea for Chabivin originated in 2007 between Hendrik Snyman, a young and passionate South African winemaker, and his French hosts Jean-Pierre and Brigitte Charbaut.

Hendrik was working in the Napa Valley, New Zealand and South Africa, gaining valuable international experience in the making of red and white wines.

But he also wanted to gain experience in making Champagne and he thus contacted the Charbaut family, applying for a winemaking job to gain specialist knowledge about Champagne. The family took him in as a foreign son, teaching him about the French culture, the language, the history and secrets of making fine Champagne the French way. After eight months Hendrik was speaking French as if he was born there!

Their friendship grew stronger and at the end of 8 months’ priceless experience, Hendrik had to return to South Africa due to winemaking responsibilities. In 2008 Jean-Pierre and Brigitte came for their first visit to South Africa and fell in love with the country. With a little bit of imagination, and a few flutes of Champagne, they started Chabivin. In 2009, Hendrik finally decided to manage Chabivin full time, representing the family’s Champagne in South Africa and also pursuing his passion to make a world class sparkling wine.

During 2010, Hendrik stumbled on a small wine farm called Fynbos Winery, only a few hundred meters outside Stellenbosch. At first the owner was reluctant to sell the property but after a few years of renting it to Hendrik and the Charbaut’s, he agreed to sell. And the rest is history.

Fynbos was renamed Chabivin and what was once a garden cottage with a chaotic forest is now a MCC estate with a maturation cellar and soon newly planted bubbly clone Pinot noir and Chardonnay. Most of the work on Chabivin was done by Hendrik himself. Not only is he a creative and talented winemaker, but also builder, designer and fantastic host at Chabivin.

Hendrik was born in Pretoria but grew up in Riviersonderend. He matriculated at Oakdale Agricultural High School in Riversdal where he participated in rugby and cricket.

After school he enrolled for a course Viticulture and Winemaking at Elsenburg Agriculture College and between studies even had enough time to play wing for Maties first team! He chose winemaking for he knew a job in an office would not suit his creative personality.

After graduating, his first harvest as a winemaker was at Windmeul Kelder in Agter-Paarl. After this inaugural harvest he travelled the world to gain experience. Back in South Africa, after his French experience, he struggled to obtain a visa to go back to France and he accepted a position as winemaker at Guardian Peak. This position he filled till he realized he was totally hooked on making sparkling wine.

  
 
 

Hendrik Snyman

 

To get to know Hendrik better, I asked him the following questions:

• Why did you become a winemaker?

   I am a creative person and winemaking is like art. It tells the story of whom and what you are. It’s liquid poetry! And it’s in nature and you get the privilege to create something unique.

• What is the best wine you have made?

   Guy Charbaut while working abroad and locally the base wine of our 2012 MCC.

• The best wine you have drunk?

   Champagne Salon 1964 or 1979.

• If not a winemaker, what else?

   Architect.

• What’s left on your bucket list?

    Backpacking in Europe searching for small and unknown wineries.

• What pet(s) do you have?

    Alaskan Malamute and a cat.

• What’s your favourite TV program?

  I don’t have a TV, but when I do watch TV it’s mostly Sport, Mythbusters or Ultimate Survival.

• What songs do you sing in the bar/shower/car?

   3 Doors down – Be like that.

• What motto do you live by?

   Honesty, integrity and transparency.

• What do you think of box wine?

   No comment!

• What wine do you drink if not your own?

   Chardonnay and Pinot Noir. I also appreciate a local beer brewed by some of our prestige breweries.

• In which wine/cultivar did Jesus changed the water at the wedding reception in the New Testament?

   Pinot Noir, because it’s a challenge and Jesus would not have chosen the easy way out!

• Tent or hotel?

    Tent

• How do you relax?

  Play the guitar. Wine tours. Visiting places like Greyton and cooking.

In the tasting glass: Mademoiselle Mégane NV

Age of vines: 3 – 11 years

Cultivar: 100% Chardonnay

Yield: 7 – 13 tons/Ha

Alcohol: 11.59% Vol.

Residual sugar: 8 g/l

pH: 3.18 g/l

Total acid: 6.9 g/l

Volatile acidity: 0.34 g/l

In the cellar: Cold fermentation in stainless steel tanks for 4 weeks. Stored in stainless steel tanks until bottling date.

Blend: 100% Chardonnay of Breedekloof origin.

Tasting notes: Crafted from some of the Cape’s finest parcels of Chardonnay, bottle fermented and patient maturation for four years prior to disgorgement – this single varietal sparkling wine erupts from the glass with roast nut, freshly baked brioche and biscotti aromas, while zesty lime and gooseberry flavours refresh and tantalize the palate. Excite the senses with liquid poetry!

Chabivin Champagne & Méthode Cap Classique House

www.chabivin.co.za

Tel: +27 (0) 21 880 1643

 

Champagne resembles us. It is made in our image. It bubbles like our spirit; it is piquant like our languages; it sparkles and chatters and is constantly in motion. – Adolph Brisson

As symbols go, champagne is extra ordinary powerful. It makes you feel like it is Sunday and better days are just around the corner. – Marlene Dietrich

Too much of any thing is bad, but too much Champagne is just right. – Mark Twain

 
 

Tasting room at Chabivin

 

Pop the cork!

Beautiful Stellenbosch mountains. View from Chabivin.

 
 

Welcome at Chabivin!

 

 

Continue Reading