Wat is dit met sommige mense en titels?

Verlede week was ek die amptelike meet and greeter vir ’n funksie.

Omdat daar uitstallers en onderwysers teenwoordig was, moes ek uitvind wie is wie.  En omdat my instink na jare in die tuig nog redelik akkuraat is (of so het ek gedink), kon ek die onderwysers met min moeite identifiseer.

Met die oorgrote meerderheid was my voorgevoel in die kol, maar  ’n paar keer het ek die toets liederlik gedop!

Om te sien of my vermoede reg is, het ek dan aan hulle gevra of hulle onderwysers is.

Die meeste het die vraag positief beantwoord en sommer vrywilliglik bygevoeg watter skool hulle verteenwoordig.

Maar drie keer was die antwoord : Ek is die hoof! (Menende die skoolhoof.)

Jammer Meneer/Mevrou! Ek is ontsettend  jammer dat ek nie u titel kon raaksien nie!

Allemagtig! Wat is dit met sommige mense en titels?

Van wanneer is skoolhoofde dan nie meer onderwysers nie? Of is, om nét ’n onderwyser te wees, benede dié uitverkore betiteldes?

Sondagaand, tydens die US Woordfees, luister ons na Koos van der Merwe en hy sing Bob Dylan:

Mama, take this badge off of me

I can’t use it anymore

It’s gettin’ dark, too dark to see

I feel I’m knockin’ on heaven’s door.

En ek besef; dit is nét heavens door wat die badge van sommige mense sal kan stroop.

Sela.

I don’t want to be a VIP. I want to be a LIP, a Less Important Person. – Mamata Banerjee

I can’t help feeling that I am not a very important person, and being treated like one gives me strange feelings. – Sally Rooney

I didn’t wake up one morning and become some important person. – Linda Sarsour

(Visited 82 times, 1 visits today)

, , , , , ,

12 Responses to Wat is dit met sommige mense en titels?

  1. John Reyneke March, Wednesday 18 2020 at 1:02 pm #

    Dankie dat jy ons voete altyd weer op moeder aarde laat land!!!! Well spoken, dankie vir jou!

    John Reyneke

    • Rian Truter March, Wednesday 18 2020 at 3:38 pm #

      Dankie vir die lees, John! Mooi loop!

  2. Russell March, Wednesday 18 2020 at 1:57 pm #

    Ai Riaan, ek word 60 en haar dit as mense my voorstel as die Skoolhoof. Ek is ook net mens!

  3. Erik Moller March, Wednesday 18 2020 at 5:49 pm #

    Ja Rian, sulke ouens is baiekeer die skool se hoofpyn!!

    • Rian Truter March, Wednesday 18 2020 at 6:19 pm #

      Stem! Dankie vir die lees, Erik!

  4. Chris Viljoen March, Wednesday 18 2020 at 6:06 pm #

    Lees nog steeds als Rian. Geniet tans opnuut weer Bob Dylan op You Tube. Dankie vir die ” Tell it like it is”.

  5. Sandra March, Thursday 19 2020 at 8:48 am #

    Hoe minder, hoe meer. Bestaan daar so ‘n gesegde? Dit klink in elk geval of dit hiervoor werk. Stem 600% saam, Rian.

    • Rian Truter March, Thursday 19 2020 at 9:08 am #

      Mooi gesegde! Of dit bestaan of nie, Sandra! Dankie vir die ondersteuning. Mooi loop!

  6. o steenkamp March, Thursday 19 2020 at 12:16 pm #

    Ons moet leer die titel behoort aan die pos, nie aan jou as persoon nie! In die pos dienende, word jou tasse vir jou gedra, more, dra hulle die nuwe ou se tasse!

    • Rian Truter March, Thursday 19 2020 at 3:34 pm #

      Net soos jy daar sê, Stoney! Dankie!

Leave a Reply