Leer omgee deur te voel.

Wonder jy ook soms of jy genoeg vir die armes en die behoeftiges doen?

En wonder jy ook wie jy nou eintlik moet help? Wie het jou bydrae die meeste nodig en wie gaan jou geld reg gebruik?

Jy is nie onwillig om te help nie, maar as jy sien hoe word geld deur ons regering gemors, raak jy totaal en al onwillig om nog geld in ’n bodemlose put te gooi! Of om dit in iemand se beursie te sit wat dit nie verdien nie.

So gepraat van barmhartigheid. Iets wat my senuweepunte op ’n knop trek, is die sogenaamde barmhartigheidsaksies wat sommige van ons skole van stapel stuur.

Ons besoek vir ’n middag gou ’n ouetehuis of ’n hospitaal en dan het ons die kinders geleer hoe om van hulself te gee.

Krokodilbollie!

Dis weer Paastyd en ons dra tonne paaseiers na mense toe aan wat dit vir hulle self kan koop en wat dit in elk geval nie meer kan eet nie.

Na die kinders daar weg is, moet die verpleegsters die oues van dae, as gevolg van ’n oordosis suiker en sjokolade, van die plafonne afskraap. Pasaangeërs slaan oor na hoogste ritme en almal se suikervlakke dryf hulle vinniger na AVBOB se stoep as wat jy totsiens kan sê.

Ons jeug leer nie op dié manier om van hulle self te gee nie. Die enigste manier waarop hulle sal leer, is as hulle self voel. Self voel hoe om ’n huis te bou en self voel hoe is dit om nie kos (nie paaseiers nie!) te hê om te eet nie.

Gelukkig is daar nog instansies wat presies op hierdie manier te werk gaan. En wat jou ondersteuning nodig het.

Een hiervan is die Potato Foundation. Gaan klik gerus op hulle logo regs van hierdie post en leer meer van hulle en wat hulle doen.

Potato Foundation se Kaalvoetdag op 16 April  is ‘n praktiese oefening en ’n manier om daadwerklik te help. Hier is wat hulle vra:

Trek daai skoene uit en maak ‘n verskil!!!

Die Potato Foundation gaan hierdie jaar weereens ‘n “KAALVOETDAG” hou as deel van ons Winter Warm projek.

Ons daag elke persoon, besigheid en skool uit om  op 16 April 2013 kaalvoet werk toe of skool toe te gaan.  Die doel is om mense bewus te maak van hoe dit vir ‘n kind voel indien hy/sy nie skoene het om in die winter te dra nie.

Al wat ons vra is dat jy ‘n paar kinderwinterskoene of -skoolskoene skenk, wat jy nie meer gebruik nie.  Jy, jou besigheid en jou skool kan dus ‘n verskil maak in iemand se lewe sonder om ‘n sent te spandeer.

Ons daag jou uit: Kom maak ‘n verskil!!!

Besoek hulle webwerf by http://www.thepotatofoundation.co.za/barefoot_registration.php om jou

Ouers, skoolhoofde en onderwysers: laat die kinders asseblief vir ’n dag sonder skoene loop.

Laat hulle met elke senuwee voel hoe baie mense elke dag van hul lewe die wêreld moet aandurf.

Kom ons leer hulle om opreg te gee, want hulle sal dan verstaan hoe dit is om iets nie te hê nie.

Want hulle het dit aan hulle eie lyf gevoel …

En basta met paaseiers!

If you haven’t got any charity in your heart, you have the worst kind of heart trouble. – Bob Hope

A bone to the dog is not charity. Charity is the bone shared with the dog, when you are just as hungry as the dog. – Jack London

No person was ever honored for what he received. Honor has been the reward for what he gave. – Calvin Coolidge

(Visited 198 times, 1 visits today)

, , , ,

5 Responses to Leer omgee deur te voel.

  1. Pierre Potgieter March, Wednesday 27 2013 at 2:48 pm #

    Rian, baie dankie ou maat. Jy laat my weer anders dink oor hierdie ding van gee net om te se jy het gegee. Ek gaan beslis my personeel en leerders uitdaag. Selfs ek met my lelike tone gaan daardie dag kaalvoet loop, al is ek die enigste een. Sal ‘n paar fotos stuur.

    Groete

    Pierre

    • Rian Truter March, Thursday 28 2013 at 2:25 pm #

      Great, Pierre! Stuur die foto’s en ek sit dit op P&J! Mooi loop sonder skoene!

  2. Nina March, Saturday 30 2013 at 10:03 am #

    Jy slaan die spyker op sy kop!!! Baie mooi gestel. Gelukkig is hierdie plaas girl lief vir kaalvoet loop. Gaan dit beslis doen. Sulke klein goedjies maak mens so dankbaar vir wat ons regtig het EN wat ander nie het nie.

    Baie dankie vir dit.

    • Rian Truter April, Monday 1 2013 at 5:22 pm #

      Vreugde, Nina! Lekker kaalvoetloop!

  3. jacques February, Saturday 3 2018 at 10:48 pm #

    Kan ek na julle toe gaan met my kaalvoete
    liefde
    Jacques vorster

Leave a Reply