Betyds vir te laat …

 
 
 
 

Johann Coetzee

 

Toe ek die onderstaande skrywe van prof Johann Coetzee lees, het ek net geweet ek móét dit met die lesers van Piesangs & Jellietots deel! Johann het dan ook goedgunstiglik ingestem dat ek dit in P&J kan plaas.

 

 Een van ons vliegvriende sterf.

Vyfhonderd mense daag op by die begrafnis in Nelspruit. Ons vlieg van oral om die laaste eer te bewys op ’n Donderdagmiddag.

Ons is almal netbetyds-om-te-laat-te-wees. Maar, ons is moreel en hartseer daar om sy familie te omhels en om met mekaar te gesels.

Terwyl ek om my kyk in die kerk, merk ek ’n 100 van my vriende wat topposte beklee en almal buitengewoon besig is. Meteens tref dit my dat almal ’n dag in hulle dagboek kon vind om by ’n dooie mens te kom kuier. Tog hartseer dat ons nie ’n uur vir mekaar kan afknyp terwyl ons lewe nie!

Wat help hierdie onbekwame spoed in die versugting na versameling, eervolle betrokkenheid, produktiewe bydrae, ens. ens. Vanwaar kom die dissipline om met beredeneerde prysgawe en kompromie tyd te vat om juis die mense te besoek en te geniet vir wie jy lief is en om die dinge te doen wat jy verkies, maar so tipies verwaarloos.

Wanneer ruil jy die begrafnis in op die bazaar? Wanneer laas het jy van jou pelle gebel, ’n afspraak gemaak en gewoon net gaan kuier sonder agenda?

Wanneer laas het jy vir van jou maats met die hand (en met ink) ’n brief geskryf?

Ek was dankbaar ek was by die begrafnis, maar intens skaam en skuldig oor die lewe saam wat ons so verskraal en verwaarloos het.

Uit: Van Doerietyd tot Netnou deur Johann Coetzee

 

I held a moment in my hand, brilliant as a star, fragile as a flower, a tiny sliver of one hour. I dripped it carelessly, Ah! I didn’t know, I held opportunity. – Hazel Lee

Haraka Haraka haina Baraka … (Swahili) If you don’t have time to do it right, how will you find time to do it over?

Yesterday is but today’s memory and tomorrow is today’s dream. – Kahlil Gibran

(Visited 471 times, 1 visits today)

,

6 Responses to Betyds vir te laat …

  1. Hobbie September, Wednesday 26 2012 at 6:17 am #

    Dankie Rian.

  2. Pierre Hauman September, Wednesday 26 2012 at 12:57 pm #

    Baie mooi, dankie – en BAIE om oor te dink!

    • Rian Truter September, Wednesday 26 2012 at 5:11 pm #

      Stem saam. Ons moenie kanse mors nie!

  3. Jannie vd Westhuizen September, Wednesday 26 2012 at 1:31 pm #

    Vriende was laas jaar amper 23 jaar getroud. Manlief het ‘n groot viering vir die 25 ste een beplan, maar het op die ingewing van die oomblik besluit om eerder die 23ste soos ‘n silwer bruilof te vier. Sy sterf 3 maande na die viering in ‘n motorongeluk.Hy was betyds!!! Dit het my geleer dat hierdie oomblik spesiaal is, en nie net die een wat in die toekoms wag nie!

    • Rian Truter September, Wednesday 26 2012 at 5:13 pm #

      Jannie, dankie! So waar dat ons nie moet uitstel nie. Doen nou wat jy wil doen. Mooi loop!

Leave a Reply to Hobbie Click here to cancel reply.